十香滷味-dish

材料
葱（200克）、蒜頭（８粒）、薑（４片）、辣椒（２隻）、烚蛋（２隻）、雞中翼（９隻）、甜不辣（280克）、豬血糕（１斤）、草果／花椒／甘草／桂皮／八角／小茴香／丁香／陳皮（各２錢）、生抽（２杯）、老抽（２湯匙）、米酒（120毫升）、冰糖（８湯匙）、水（２公升）、香菇粉（２湯匙）、白胡椒粉（少許）、五香粉（１茶匙）、南薑（20克）


做法
１）燒熱鑊加少許油，爆香南薑、蒜頭、薑片和葱，全部放入煲湯魚袋，再加入陳皮、草果、桂皮、花椒、八角、辣椒、甘草、丁香和小茴香，索緊袋口，做成滷味包。

２）燒滾一煲水，放入雞翼汆水後盛起。然後將甜不辣放入同一煲水內汆水，盛起備用。

３）將 2公升水煲滾，加入米酒、生抽、老抽、香菇粉、五香粉、白胡椒粉及滷味包，將材料全部壓入水中，再加冰糖，先以大火煮滾，再轉細火煮 1小時至出味。

４）當滷水汁做好後，取走滷水包，將喜愛的食材如豬血糕及雞翼放入，冚蓋煮 15分鐘，再放入蛋及甜不辣煮 15至 20分鐘，當食物煮熟又上色，即可上碟。


貼士
滷水汁煮好一大鍋，可放雪櫃儲存一星期。但要注意每次煮食物後，味道都會變淡，一定要試味，適量加入調味料，這鍋滷水才好吃。